ՎԱՆ ԳՈԳԻ ՆՈՐ ՆԿԱՐ Է ՀԱՅՏՆԱԲԵՐՎԵԼ

Ամստերդամում Վան Գոգի թանգարանը ներկայացրել է գեղանկարչության հոլանդական վարպետ Վինսենթ վան Գոգի նոր հայտնաբերված նկարը: Տեղեկացնում է Ամերիկայի Ձայնը:

Թանգարանը երկուշաբթի օրը տեղեկացրել է «Մայրամուտ Մոնթմաժորում» յուղաներկով կատարված բնապատկերը հայտնաբերելու մասին:

Վան Գոգի թանգարանի պաշտոնյաների համաձայն, նկարը 1908 թվականից պահվել էր նոգվեգացի կոլեկցիոներներից մեկի վերնահարկում, քանի որ, նկարը գնելուց հետո, վերջինս այն կեղծիք էր համարել:

Փորձագետների համաձայն, նկարի իսկությունը հաստատվել է պատկերի վրա հայտնաբերված տառերով, ոճով և նկարը ստեղծելու համար օգտագործված նյութերով:

Թանգարանի պաշտոնյաների համաձայն, վան Գոգի այս նկարի հայտնաբերումը «բացառիկ դեպք է»:

Վինսենթ վան Գոգի նոր հայտնաբերված նկարը հանրության ուշադրությանը թանգարանում կներկայացվի սեպտեմբերի 24-ին:

http://noratert.am/%D5%BE%D5%A1%D5%B6-%D5%A3%D5%B8%D5%A3%D5%AB-%D5%B6%D5%B8%D6%80-%D5%B6%D5%AF%D5%A1%D6%80-%D5%A7-%D5%B0%D5%A1%D5%B5%D5%BF%D5%B6%D5%A1%D5%A2%D5%A5%D6%80%D5%BE%D5%A5%D5%AC/